السـلام عليكم
شباب في كتير عم شوف تقارير فيها توزيع نقاط المهارة بشكل غلط
أول شي هالنقطة بترجع لنوع الشعب
كل شعب واله وحدة خاصة بترفع من نقاط مهارة معينة
على سبيل المثال
البريطانين
عندو الطبال
بيرفع من مهارة القيادة
لذلك لو حطينا بالجيش الكامل 140 طبـال
رح تكون مهارة القيادة مطورة اكثر من المحترف
رح نلاحظ انو لو قابلنا جيش مهاراتو القيادية 3
رح يهرب من عندو جنود
لان مهارة القيادة هي اللي بتخلي الجنود تهرب او تبقى بالمعركة على حسب تطويرها
مثلا" العرب
الانكشاري يعطي الحظ
لو ارسلنا مع الجيش الكامل 140 انكشاري رح ناخد مهارة الحظ كاملة
الروس تعطي لفك الحصار مهارة ايضـا"
القوطيين مهارة الدفاع
الألمان مهارة القتال
لذلك كل واحد يشوف شو نوعية شعبو الخاص
ولا يطور المهارة المسؤولة عنها الوحدة الخاصة
---------------------
التصنيف حسب الاهمية
لكل واحد منا وجهة نظره بالتوزيع للنقاط
في ناس بتحب تخليها عسكرية بحتة
يعني ما بيحطو بالموارد أي نقطة
وفي ناس بتحب تخليها هيك وهيك
يعني بيرفعو الموارد والتعليم
--------------------
من أهم النقاط برأيي انا
مهارة الخيول
بتخلي كل الجيش يصير أسرع بأضعاف من سرعته بدون تطوير هي المهارة
مو بس الخيول
حتى فك الحصار والمشاة والفرسان
كل شي بيصير أسرع
لذلك هي المهارة أهميتها بالغة عند الناس اللي بتهاجم كتير
حتى تكسب سرعة للجيش بالهجمات
------------------
مهارة الفروسية
من اسمها واضحة
تعطي قوة للفرسان
ويجب تطويرها للمحترف مع بدايات اللعبة
----------------
الرماة
يجب التطوير للمحترف أيضا" مع البدايات
---------------
المدافع
كل ما زادت قوة المهارة
زادت قوة الدفاع لكل وحدات الجيش
مهارة ضرورية جدا"
-----------------
التعليم
يعطي زيادة في النقاط بعد كل معركة
مهارة مهمة لرفع رصيد النقاط
بس ممكن نأجلها شوي
----------------
القتـال
يعطي فقط للجنود المشاة قوة زيادة
فقط للرمح والسيف والفأس والصولجان
لذلك المهارة مو مهمـة أبدا"
-----------------
مهارة القيادة
تمنع امكانية هروب الجنود في المعركة
مهارة مهمة ولكن مو بأهمية الفروسية والرماة
يجب التطوير للمحترف
بس يمكن التأجيل
-------------
مهارة فك الحصار
تعطي قوة لجميع آلات فك الحصار
ممكن نتركها مبتديء او متقدم
وكل واحد حسب وجهة نظره
انا مخليها مبتديء
--------------
المعالجة
مهمة أيضا"
ويجب التطوير الى محترف
بس يمكن التأجيل يعني مو بالضرورة من البداية نطورها
ممكن نصبر عليها شوي
------------
الحظ
ايضا" مهمة ويجب التطوير الى محترف
بس مو بأهمية الرماة والفروسية
------------
المخيـمات
تعطينا امكانية ارسال مخيمات أكثر
((مهارة غير ضرورية ))
لازم تبقى مستواها 0
ما أعتقد في حدا بيحتاج مخيمات أكثر من مخيمين
----------------
مهارة التخطيط
تعطي امكانية في زيادة عدد ارساليات الدعم والهجوم
المسموح فيه 30 ارسالية بين هجوم ودعم
لو طورناها للمستوى المبتديء بتزيد امكانية الارساليات من 30 الى 33
يعني مهارة ما لها أي فائدة والافضل توفير نقاط المهارة الخاصة فيها
واستغلالها في مهارة مهمة
----------------
وأخيرا" ان شاء الله كون وفقت في اختيـار الموضوع
واللي عندو أي سؤال او استفسـار بخصوص نقاط المهارة
لايتردد ويا ريت يسأل
وما ننسى شباب ان اللي شعبو بيتوافق مع نقطة مهارة معينة لا يطورها
ولكم الشكر
وأتمنى شوف ردود من جميع الاعضـاء
===============================
السـلام عليكم ورحمة الله
