الفقره صحيح عايشين
بس فى برون السنين
وسقوفة البرون بايشين
بتنقط الدمع الحزين
من سنين ووراها سنين
فى سكة تاريخ ضايعين
وورثين كلمتين فين ومنين
وفى ذاكرة البدرون متحنطين
فى مقابر المحرومين
وشبابيك البرون مقفولين
محكومين ومتجنزرين
والى فوقيهم من المبسوطين
مش سامعين صوت الانين
واسوار البرون عاليين
وعيون الفقره متشعلقين
وعلى حجارة السور المتين
يموتوا متسمرين
صابرين ولاد صابرين
وحياتهم يادوب سطرين
همه صحيح من طين
بس طين الموجوعين
امته البرون يلين
ويفتح بيبانه العاصيين
الفقره صحيح عايشيين
بس فى بدرون السنين
مجدى عبد الله عبد الحليم
