الرزق والحظ والنصيب

الرزق والحظ والنصيب

الرزق ده قراطيس

وكل قرطاس على قد شلته

وادى واحد منفوخ الكيس

وسبحانه قليله حيلته

والثانى عنده حيل ابليس

ورزقه دايما يادوب على قده

والدنيا كراريس كراريس

وصفحاتها ما يتعده

وحروفها سجنه أرواح محابيس

وكل واحد وليه حكايته

وكل سطر عليه ترابيس

ويزنق على ايدك لو تشده

والحظ مدفون فى ظلمه ودهاليس

واللى يدور يضيع عمره

يخرج فى الظلمه زى الجواسيس

والى يصدفه يا هناه ياسعده

والى يدور يعيش كوابيس

ويفضل حظه على طول معانده

والنصيب نغزات دبابيس

والى يصيبه خلاص مكتوب له

وهوه مخفى ورا الكواليس

ولا ليه ميعاد ولا تقدر تصده

ولا ليه صاحب ولا ونيس

بالعدل يدى ولا وساطه عنده

مجدى عبد الله عبد الحليم