مـــــــــــوال أم الشهــــــــــــــــــــــيــــــــــــــــــــــــد
************************
لو كان الصبر مال كنت أنا شلته
وعملت منه جبال ليوم أنا اعتزته
واعمل من جباله حبال واربطها فى حلقته
واخد حلقته وصال وبالـذ هـب وزنته
يا صبرى يااللى طال وزادى أنا عفته
وعشان حظى مال دلوقتى أنا احتجته
أنا أم العيال وولدى شرفته
خليته سبـع الرجال ما هوه ده ورثه
وصار مصرى عال والأصل فى طبعه
وعشان سوء الحال نزل عدل بلده
رجع شهيد متشال ورصاص مالى جسمه
قتـلوه الأندال وصادوه فى ظهره
واللى صاده يا خال من نفس طين بلده
ولأن عقله شمال قال ايه خالف فكره
ياشهيد خيال رايح عارف اخره
ولأنه للشهاده نا طاير فى جنازته
وحق صاحب الجلال المسك فى غسله
ياللى عشقته الجمال شوفوا القمر وجهه
نلها وفاز بالنوال والبسمه على حنكه
وشوف يابن الحلال فى كلمه فى صورته
وانا صبنى الدلال عشان النبى جنبه
الدمع منى سال كان نفسى أكون جنبه
الشاعر:مجدى عبد الله عبد الحليــم
